ഇഷ്ടങ്ങള്‍.
....................................
മൌനം എനിക്കിഷ്ടമാണ്......
എന്റെ മൌന വാല്‍മീകത്തിലിരുന്ന്
എനിക്കൊന്നു പുനര്‍ജ്ജനിക്കണം .....
ആകാശവും ദൂരവും എനിക്കിഷ്ടമാണ്
ആകാശത്തിനും കടലിനുമിടയിലുള്ള
ശൂന്യതയിലിരിന്ന്,
എന്റെ
ജീവിതത്തിന്റെ നിമ്മ്ന്നോന്നതങ്ങളെ
ഒരു പട്ടമാക്കി പറത്തണം... ..................
ഒരു ദ്വീപിന്റെ ഏകാന്തതയിലിരുന്നു
എന്റെ സ്വപനങ്ങള്‍ക്ക് വര്‍ണ്ണ ഭംഗി കൊടുക്കണം
എന്റെ തമ്പുരുവില്‍ ,
ഇതുവരെ ആരും മീട്ടാത്ത
രാഗങ്ങള്‍ ഉതിര്‍ക്കണം ...........................
ഒരിക്കലും ഒഴുകാതെ പൊയ,
ഇന്നുമെന്നിലവശേഷിക്കുന്ന
ഒരു സ്നെഹത്തടാകമുണ്ട്,
അതിനെ....
ചുറ്റും പരന്നു കിടക്കുന്ന ജലസമൃദ്ധിയിലേക്ക്
ഒഴുക്കിക്കളയണം........................
നേരിയ കാറ്റു വീശുമ്പ്പോള്‍.....
അതിന്റെ കുളിര്‍മ്മയില്‍
എന്റെ മനസ്സും കുളിരണം.
അപ്പോള്‍ മേഘമല്‍ഹാര്‍ രാഗത്തില്‍
പെയ്തുവരുന്ന ഒരു മഴ!
അതില്‍ ലയിച്ച് ,
സമയം പോകുന്നതറിയാതിരിക്കണം...........
മഴമാറി ആകാശം സാന്ധ്യരാഗത്തില്‍
ലയിച്ചു തുടങ്ങുമ്പോള്‍
,
സാക്ഷാത്കരിക്കതെപൊയ പ്രണയത്തെ
അതില്‍
ഉരുക്കിയൊഴുക്കണം
പിന്നെ ....
ഏതോ പുതിയ താളത്തില്‍ പറന്നുയരണം. ........
thressiamma thomas
No comments:
Post a Comment